Олон улсын кино наадам

Оберхаузен бол дэлхийн хамгийн анхны бөгөөд чухал богино хэмжээний кино наадам юм. Уралдаант хэсэг нь “чухаг”, авангард богино хэмжээний кино бүтээлүүдийн чиг хандлагыг маш сайн тодорхойлдог. Энэхүү наадам нь шинэлэг, уран сайхны богино хэмжээний киног онцолж, техникийн шинэ дэвшил хөгжилд онцгой анхаарал хандуулдаг. Оберхаузен нь Германы хамгийн том богино хэмжээний киноны зах зээлийг зохион байгуулж, томоохон худалдан авагчдыг татдаг байна.

Испанид зохиогддог олон улсын хамгийн чухал кино наадмын нэг болох олон улсын энэхүү кино наадам нь дэлхийн өнцөг бүрээс ирэх залуу кино найруулагчдын уулзалтын цэг болдог. Валенсиагийн наадам нь бүхий л давхаргын хүмүүст зориулсан чанартай кино урлагийг тууштай сурталчилдаг билээ.

Тамперегийн кино наадам нь Скандинавын орнуудын хамгийн анхны богино хэмжээний кино наадам юм. 1970-аад оноос хойших гол чиглэл нь үндэсний болон олон улсын богино хэмжээний кино уралдааныг зохион байгуулахаас гадна киноны мэргэжилтнүүд, сонирхогчдын уулзах олон улсын цэг болох явдал байв. 1992 оноос үйл ажиллагаагаа эхэлсэн кино зах зээл нь мэргэжлийн хүмүүсийн кино үзэх чухал газар болсон бөгөөд жил бүр 3000 гаруй киног багтаадаг байна.

“Хүнд хүргэх санаа” наадмыг тус улсын соёлын амьдралд уран сайхны бус кино чухал үүрэг гүйцэтгэж буйг нь онцлохоос гадна Оросын баримтат киноны уран бүтээлчдэд олон улсын кино урлагийн ертөнцтэй илүү танилцах боломжийг олгох зорилгоор санаачилжээ. Гэвч жил ирэх тусам наадмын зорилго өргөсөж, үүний үр дүнд уралдааны хөтөлбөрт богино хэмжээний, уран сайхны, хүүхэлдэйн кинонууд нэмэгдсэн байна. Тус  наадам жил бүр 50 гаруй  уран бүтээлийн Орос дахь нээлтийг толилуулдаг бөгөөд дэлхийн өнцөг булан бүрээс илгээсэн 300 гаруй киног уралдаант болон тусгай хөтөлбөрийн хүрээнд үзүүлдэг байна.

Краковын кино наадам нь Европ дахь баримтат, хүүхэлдэйн кино, богино хэмжээний уран сайхны кинонд зориулагдсан хамгийн удаан үргэлжилж буй кино наадмын нэг юм. Наадмын 7 өдрийн турш үзэгчид Польш болон гадаадын 250 орчим киног үзэх боломжтой.

Тус наадмын хөтөлбөрт урилгаар оролцох кинонууд голчлон багтдаг  бөгөөдүзэгчдийн тоо дунджаар 75 мянга орчим байдаг. Уламжлалт кино театрууд нь Gartenbaukino, Urania, Metro-Kino, Filmmuseum, Stadtkino юм. Уг наадамд дэлхийн өнцөг булан бүрээс шинэ кинонуудыг оролцуулж, үндэсний болон олон улсын нээлтүүдийг хийдэг. Наадмын төгсгөлд Венийн киноны шагналыг гардуулдаг.

Торонтогийн олон улсын кино наадмын гол зорилго нь кино урлагийн талаарх мэдлэг, үнэлэлт, ойлголтыг сурталчлах, дэмжих явдал бөгөөд дэлхийн өнцөг булан бүрд бүтээгдсэн хамгийн шилдэг кинонуудыг үзүүлэх нь түүний гол үүрэг билээ. Киног сонгохдоо чанар, өвөрмөц байдалд голлон анхаардаг.

Ромын кино наадам нь доор дурдсан уралдаант хөтөлбөрүүдийг хүргэхээс гадна кино урлагийн түүхийг илүү сайн ойлгоход хувь нэмэр оруулах үүднээс кино урлагийн томоохон зүтгэлтнүүдэд зориулсан хүндэтгэлийн үзвэр, ретроспективүүдийг толилуулдаг.

Румын улсад зохиогддог тус наадам нь олон улсын уран сайхны кинонд зориулсан анхны, мөн Зүүн Европын хамгийн чухал кино наадмын нэгд тооцогддог. 1, 2 дахь бүтээлээ туурвиж буй найруулагчдын оролцох уралдаант хэсэгтэй. TIFF нь сүүлийн жилүүдэд гайхалтай төдийгүймаш өгөөмөр, олон төрлийн киног толилуулж, дуулиантай үйл явдлуудаар дүүрэн өнгөрчээ. 2010 оны нээлтээрээ 47 орны 240 киног наадмын 13 театрт үзүүлж, наадмын арав хоногийн турш 55 мянга гаруй үзэгчийг татсанаар дээд амжилтаа эвдсэн юм.