“Улаанбаатар” олон улсын кино наадам
“Улаанбаатар” олон улсын кино наадам
Зохион байгуулагч:
- Нийслэлийн Засаг даргын тамгын газар
- Нийслэлийн Соёл урлагийн газар
- Монголын урлагийн зөвлөл
Хэзээ зохион байгуулагддаг:
- 10 дугаар сарын дундуур
Хөтөлбөрүүд:
- Онцлох орны кино хөтөлбөр
- “Хангарьд” Монгол киноны уралдаант хөтөлбөрийн шагнал гардуулах ёслолын ажиллагаа болон 3 шилдэг кино үзвэр
- “Үзэхийн хязгаар” хэсэг: Азийн кино хөтөлбөр
- Олон улсын кино хөтөлбөр
- Кино форум
- Кино сургалт
Дэлхийн А зэрэглэлийн кино наадмын шагналт, тухайн жилийн арт хаус, индепендент урсгалыг тодорхойлогч шилдэг кино уран бүтээлийг Монголын үзэгчдэд танилцуулж, үзэгчдийн кино боловсролыг дэмжих, Монгол уран бүтээлчдэд олон улсын уран бүтээлчидтэй хамтарсан бүтээл туурвих боломжийг бий болгох зорилгоор “Улаанбаатар” кино наадмыг 2013 оноос эхлэн олон улсын тодотголтойгоор зохион байгуулж ирсэн билээ. 2013-2020 онд дээрх наадмуудын тодорхой шагналд нэр дэвшсэн, шагнал хүртсэн арт хаус, индепендент төрлийн шилдэг 146 киног танилцуулж, 33 мянга орчим үзэгчид толилуулсан бөгөөд нийт 1260 гаруй монгол уран бүтээлчийг кино форум болон сургалтад хамруулж, ур чадварыг дээшлүүлсэн байна.
Алтан өргөө олон улсын кино наадам
Алтан өргөө олон улсын кино наадам
Алтан өргөө олон улсын кино наадам
Хөтөлбөрүүд:
- Богино кино уралдаант хэсэг
- Богино киноны уралдаант бус хэсэг
- Мастер-класс
- Хэлэлцүүлэг
- Богино кино үзвэр
- Бүрэн хэмжээний кино үзвэр
Богино хэмжээний кино уралдаант хэсэг бүхий Монголын хамгийн том кино наадам нь Монголын кино урлагт шинэ уур амьсгал болсон шинэ давлагааг түүчээлэх зорилготой юм. Үүнд:
- Монголын кино уран бүтээлчдийн мэргэжлийн ур чадварыг хөгжүүлэх, олон улсад өрсөлдөх чадавхыг нэмэгдүүлэх, бага зардлаар шилдэг кино бүтээх хүсэл эрмэлзлийг өдөөх
- Монголын болон олон улсын мэргэжлийн уран бүтээлчдийг холбох гүүр болох
- Дотоодын шилдэг кино бүтээлийг олон улсад сурталчлах, олон улсын шилдэг киног олон нийтэд таниулах
- Кинонд дурлагч олон нийтийн кино урлагийн боловсролыг дээшлүүлэх хамаарна.
Монголын Кино Институтын зохион байгуулдаг тус наадамд 2013-2021 онд нийт 65 гаруй орны 2500 гаруй богино бүтээлийг бүртгэн авснаас 260 гаруй нь уралдаант хэсэгт сонгогдож, 55 нь тус кино наадмаас шагнал хүртэж байв.