1995 онд үүсгэн байгуулагдсан “Ноён уул эрдэнэ” ХХК нь өнөөг хүртэл дарсны импортын үйл ажиллагаа тасралтгүй дагнан эрхэлж байна. Тус компани  2005 онд дарсны төрөлжсөн World wine дэлгүүрийн салбаруудыг нээсэн бөгөөд өдгөө Франц, Итали, Испани, Герман, Австрали, Аргентин, Португал зэрэг 15 орны 700-аад нэр төрлийн дэлхийд алдартай, өндөр зэрэглэлийн чанартай дарс, оргилуун дарс, ликёр, архи, брэнди коньяк, виски, өндөр зэрэглэлийн рашаан ус зэрэг бүтээгдэхүүнийг үйлдвэрлэгчдээс нь шууд импортлон, харилцагч байгууллага болон худалдан авагчдын хэрэгцээ шаардлагад нийцсэн үйлчилгээг хүргэж байна. Улаанбаатар хотод 2 салбар, Дархан, Эрдэнэт хотод тус бүр 1 гэрээт борлуулагч ажиллаж байна.

Аврора ресторан нь 2020 онд  үйл ажиллагаагаа эхэлсэн бөгөөд олон улсын зочид төлөөлөгчдөд явуулын рестораны үйлчилгээ үзүүлж байсан туршлагатай. 120 хүртэлх хүнд европ, монгол хоолоор үйлчлэх боломжтой.

Нийтийн хоол, үйлчилгээний чиглэлд хамгийн өндөр үнэлгээг тогтоох зорилготой Блюфин ХХК нь 2013 онд Блюфин Стейк хаусыг анх худалдаанд гаргасан. Энэхүү стейк, катерингийн чанартай үйлчилгээ нь олны таашаалд нийцэж, 2014 онд улсын хэмжээнд салбартаа тэргүүлэгчдийн нэгд тооцогдон, улмаар хотын төвд, дээд зэрэглэлийн бүсэд нээлтээ амжилттай хийжээ. Улмаар 2017 оны 4 дүгээр сард Хан-Уул дүүрэгт Bluefin Sushi Bar-ынхаа 4 дэх салбарыг нээсэн байна.

“Таван богд Вашёкү” ХХК нь 2014 онд албан ёсоор байгуулагдсан бөгөөд өнөөг хүртэл Ази, Европ хоол үйлдвэрлэл, зоогийн газар, төрөл бүрийн явуулын хоолны үйлчилгээний чиглэлээр үйл ажиллагаагаа идэвхтэй явуулж байна. Нагоми 1, Нагоми 2, Мираж гэсэн 3 салбар ресторантай.

Тус компани 2010 оноос өнөөг хүртэл уул уурхайн катерингийг хариуцан ажиллаж байгаа бөгөөд 500-1000 хүний хоол, түүнчлэн зуслан, цэвэрлэгээний үйлчилгээг үзүүлдэг. Компанийн чадварлаг, найдвартай, туршлагатай, мэргэжлийн хамт олон танд үйлчлэхэд хэзээд бэлэн байна.

Тус компани нь орц найрлагын дагуу эрүүл ахуйн шаардлага хангасан жор, цэсээр явуулын рестораны үйлчилгээ үзүүлдэг. Үүнд, Улаанбаатар хот болон алслагдсан бүс нутгийн ажилчдын нийтийн хоолны үйлчилгээ хамаарна.

Модерн Номадс нь 2003 онд монгол ресторанаа нээсэн билээ. 2005 оноос явуулын Номадсын сүлжээ ресторанууд Монгол улсад төдийгүй Оросын Холбооны Улсад салбартай бөгөөд тус улсад Модерн Номадс рестораны 10, Үндэстний хоолны рестораны 11, зочид буудлын 3 салбар бий. Улаанбаатар хотоос гадна Дархан, Сэлэнгэ, Эрдэнэт хот, мөн Улаан-Үд хотод салбар ресторантай.

1998 онд байгуулагдсан тус компани 250 гаруй мэргэшсэн, чадварлаг ажиллагсадтай бөгөөд автомотив, хөдөө аж ахуйн техник, тоног төхөөрөмж, химийн бүтээгдэхүүн, тоног төхөөрөмжийн түрээс, шингэн хүнс гэсэн бизнесийн 6 салбарт үйл ажиллагаа явуулж байна.  Шингэн хүнс салбартаа Moёt Hennessy, Brown-Forman, Diageo компанийн дарс, спиртийн төрлийн бүтээгдэхүүнийг борлуулдаг. Мөн Австрийн Red Bull эрч хүчийн ундааны албан ёсны дистрибьютер бөгөөд оргилуун дарс, коньяк, архи, виски, ром, текила, жин, ликёр, дарс, эрч хүчийн ундаа зэргийг худалдаалдаг.

Тохилог орчин, найрсаг үйлчилгээгээрээ алдартай тус ресторан үйл ажиллагаагаа 2003 оноос хойш тасралтгүй явуулж байна. Гадаадын жуулчид, европ үйлчлүүлэгчид олонтой, брендийн стейк, дарсны өргөн сонголттой. Олон жилийн дадлага туршлагатай чадварлаг хамт олон нь хувь хүн болон албан байгууллагуудад зориулсан хөнгөн зууш, коктейль, BBQ, Гранд гала үдэшлэгээс эхлээд бүх төрлийн хүлээн авалтыг мэргэжлийн түвшинд төлөвлөн, зохион байгуулдаг.

2009 онд байгуулагдсан тус амралтын газар нь 300 хүний зоогийн газар, 480 шүүгээ, мэргэжлийн дэлгүүр, анхны тусламжийн төв, хувцас солих 7 өрөө, VIP байр, 1000 автомашины зогсоолтой бөгөөд нэгэн зэрэг 1300-1500 хүнд үйлчлэх хүчин чадалтай.

2018 онд байгуулагдсан уг компани  2000 хүртэлх зочин хүлээн авах хүчин чадалтай. Одоогоор 50 мянга гаруй хүн, албан байгууллагад чанартай үйлчилгээ үзүүлэн ажиллаад байна.

Тус явуулын ресторан нь нэг хүний 12 төрлийн хоол, амттан, шөл, салат, амттан бүхий хоолны цэсээр үйлчилдэг бөгөөд зочдынхоо нийтийн хоолны үйлчилгээнд санаа зовохгүйгээр хаана ч, хэзээ ч хүлээн авах боломжийг олгодог. Үйлчилгээнд бэлэн хоолоос гадна хоолны хэрэгсэл, зөөгчөөр үйлчлүүлэх боломжтой. Харин  захиалгаа 72 цагийн өмнө урьдчилан өгөх шаардлагатай байдаг. Тус ресторан тансаг, өвөрмөц үйлчилгээ, гар хийцийн хамгийн шинэлэг амттангаараа амралтыг тань онцгой болгоно.

Хаан хүнс катеринг компани нь 2004 оноос нийтийн хоолны үйл ажиллагаа эрхлэн ажиллаж байгаа бөгөөд 400-аад нэр төрлийн хоол, зууш, хөнгөн зууш зэргээр үйлчилж байна. Мастер тогооч, эрүүл ахуйч, технологийн инженерүүдээс бүрдсэн чадварлаг хамт олонтой. Тээвэр ложистикийн иж бүрэн баазтай. Хүнсний бүтээгдэхүүнийхээ түүхий эдийг гэрээлэгч нараасаа сонгон шалгаруулж, хамгийн сайныг нь авч хэрэглэдэг.

2011 онд гадаад худалдаа, нийтийн хоолны чиглэлээр үйл ажиллагаагаа явуулж эхэлсэн тус компанийн мэргэжлийн, туршлагатай хамт олон кемпийн үйлчилгээ эрхлэхээс гадна ажилчдад угаалгын газар, нийтийн хоолны чиглэлээр үйлчилдэг туршлагатай.