“МЭРГЭЖИЛ СУРТАЛЧЛАХ ӨДӨРЛӨГ” ЗОХИОН БАЙГУУЛАГДЛАА

         “Соёлын бүтээлч сар – 2024” аяны хүрээнд Соёл, спорт, аялал жуулчлал, залуучуудын яамны харьяа Кино урлагийн зөвлөл нь “Мэргэжил сурталчлах өдөрлөг”-ийг 2024 оны 11 дүгээр сарын 22-ны өдөр Тэнгис кино театрт амжилттай зохион байгууллаа.

Энэхүү үйл ажиллагаанд Найруулагч Г.Бямбасүрэнгийн “Хувь заяа” кино үзвэрийг Нийслэлийн Чингэлтэй дүүргийн ерөнхий боловсролын 5, 50 дугаар сургуулийн ахлах ангийн 156 сурагчдад толилууллаа. Кино үзвэрийн дараа киноны уран бүтээлчид болох Жүжигчин У.Нартай, Найруулагч Г.Бямбасүрэн, Ерөнхий продюсер Ц.Ану-Дарь нар сурагчидтай чөлөөт ярилцлага хийв.

        “Соёлын бүтээлч сар – 2024” аяны хүрээнд зохион байгуулж буй “Мэргэжил сурталчлах өдөрлөг” нь 11 дүгээр сарын 8, 15, 22-ны өдрүүдэд Кино үзвэр болон уран бүтээлчид, сурагчдын чөлөөт ярилцлага, уулзалтаар үргэлжлэн, нийт 3 удаагийн давтамжтай амжилттай зохион байгуулагдаж дууслаа.

         Кино урлагийн зөвлөлөөс зохион байгуулсан үйл ажиллагаанд хамтран ажилласан Тэнгис кино театрын хамт олон, Ерөнхий боловсролын 5 болон 50 дугаар сургуулийн захиргаанд талархал илэрхийлье.