Улаанбаатар хотын төвд байрлах тансаг зэрэглэлийн 5 одтой тус зочид буудал нь Чингис хаан олон улсын нисэх онгоцны буудлаас 14.3 км, Сүхбаатарын талбайгаас 0.6 км зайд оршино. Улаанбаатар зочид буудал нь 16-91м² хүртэлх талбай бүхий 110 өрөөний сонголттой. Бизнес уулзалт, хурал семинар зохион байгуулахад зориулсан, орчин үеийн стандартад нийцсэн тоног төхөөрөмжөөр бүрэн тоноглогдсон хэд хэдэн төрлийн танхимтай: Хөх асар танхим 110, Хархорин танхим 100, Өргөө танхим 80, Хүрээ танхим 60 хүний багтаамжтай.

Хайрхан жуулчны бааз нь 2016 онд байгуулагдсан бөгөөд Дорноговь аймгийн төв Сайншанд хотоос урагш 25 км-т байрладаг. Уг жуулчны бааз нь нэг ээлжиндээ 105 хүн хүлээн авах хүчин чадалтай, 17 гэр буудал, 60 хүний суудалтай ресторан, шүршүүртэй.

2000 онд байгуулагдсан Хирвэстэг жуулчны бааз нь Хөвсгөл нуурын баруун эрэгт байрладаг. Тус бааз нь 25 гэр буудал, 5 байшин буудалтай.  Нэг дор 30 зочин хүлээж авах хүчин чадалтай.

Элсэн манхан, үзэсгэлэнт баян бүрд, өндөр уулсаар хүрээлэгдсэн уг  бааз нь нүүдэлчдийн уламжлал, соёл, иргэншлийг тусгасан архетип загвартай. Энэхүү баазад Та монгол гэрт байрлаж, үндэсний болон европ хоол амтлан алжаал ядаргаагаа тайлах боломжтой юм.

2016 онд байгуулагдсан уг  аялал жуулчлалын бааз нь Завхан аймгийн Тосонцэнгэл сумын нутаг дахь  Хожуулын голын эрэг дээр байрладаг.  Нэг ээлжиндээ 100 хүн хүлээн авах хүчин чадалтай.

Монголын анхны сүлжээ зочид буудал “Hotelnine” нь анхны салбар цогцолбор зочид буудлаа 2012 онд Сэлэнгэ аймгийн Сүхбаатар суманд нээжээ. Тус зочид буудал нь олон улсын стандарт шаардлагыг бүрэн хангасан 9 энгийн, 1 люкс өрөө бүхий зочид буудал, монгол, европ болон олон үндэстний хоол, ундаа тэргүүтнээр үйлчлэх Модерн номадс ресторан, хүлээн авалтын танхим, VIP өрөө, алжаал тайлах саун, жакузи, спа, массажийн цогц үйлчилгээ бүхий цогцолбор юм.

“Хөвсгөл далай” жуулчны бааз нь Хөвсгөл нуурын баруун эрэг дэх Доод модот булангийн бүсэд байрлах бөгөөд 2002 оноос өнөөг хүртэл гадаад, дотоодын жуулчдад үйлчилсээр иржээ. Хоёр одны зэрэглэлтэй тус бааз нь нэг ээлжиндээ 100-120 хүн хүлээн авах хүчин чадалтай.

Хөвсгөл нуурын эрэгт байрладаг “Хөвсгөл эко тур” жуулчны бааз нь 2002 онд байгуулагдсан. Нэг ээлжиндээ 100-150 хүн хүлээн авах хүчин чадалтай. Жилийн дөрвөн улиралд гадаад, дотоодын аялагчдад үйлчилж байна.

Архитектурын өвөрмөц шийдэл бүхий Хурговь зочид буудал нь 37 өрөө,  54 ортой, нэг ээлжиндээ 60 гаруй зочин хүлээн авах хүчин чадалтай, бүс нутгийн томоохон зочид буудлуудын нэг юм. Мөн 100 хүний суудал бүхий ази, европ хоолоор үйлчлэх SaintHill ресторан, караоке өрөө, 100 хүний багтаамжтай хурлын танхимтай.

2005 оноос үйл ажиллагаагаа эхэлсэн Цамбагарав зочид буудал нь Ховд аймгийн төвд байрладаг. Нэг ээлжиндээ 35 хүн хүлээн авах хүчин чадалтай бөгөөд 50 хүний багтаамжтай ресторантай.

1995 онд “Алтай” зочид буудлыг түшиглэн, орчин үеийн тохилог энэхүү зочид буудлыг сэргээн байгуулжээ. Сүхбаатарын талбайгаас 1.6 км зайтай, улиас модоор хүрээлэгдсэн толгод дээр байрлах, замын хөдөлгөөнөөс хол тус зочид буудал 180 өрөөтэй бөгөөд 330 зочин хүлээн авах хүчин чадалтай.

Чингис хаан зочид буудал нь Сүхбаатарын талбайгаас 1.5 км, Чингис хаан олон улсын нисэх буудлаас 15.3 км зайд, хотын төвд байрладаг. Тус зочид буудал нь таны хэрэгцээнд нийцсэн бүх төрлийн тоног төхөөрөмж бүхий гоёмсог, тансаг зэрэглэлийн 176 өрөөтэй. Мөн хурал болон арга хэмжээ, уулзалт зохион байгуулахад зориулсан 400-600 хүний багтаамжтай Хаан танхим, 280-400 зочин хүлээн авах Өргөө танхим, 60-100 хүний хүчин чадал бүхий Тэмүүжин танхимуудтай.

“Чингис гурван нуур” рашаан, жуулчны бааз нь тусгай зориулалтын 5 орон сууц, 9 сувилал, 5 монгол гэр, 12 зуслангийн байшинтай. Нэг ээлжиндээ 250-300 сувилуулагч, амрагч хүлээн авах хүчин чадалтай бөгөөд нарийн мэргэжлийн эмч, сувилагч нар шавар эмчилгээ, уламжлалт бариа засал хийж үйлчилнэ. Хурлын танхим, тоног төхөөрөмжөөр бүрэн хангагдсан.

Байгалийн үзэсгэлэнт газар байрладаг тус амралтын газар 2018 оноос үйл ажиллагаагаа эхэлжээ. Тав тухтай гэр, байшингууд,  солонгос, монгол, европ хоолоор үйлчлэх 40-50 хүний багтаамжтай зоогийн газар, гадаа амрах сүүдрэвч, грил барбекью саравчтай.

Шангри-ла төв нь 5 одтой зочид буудал, А зэрэглэлийн оффис, тансаг зэрэглэлийн орон сууц, худалдааны төв, 400 орчим машины зогсоол бүхий цогцолбор бүтээн байгуулалт юм. Чингис хаан олон улсын нисэх онгоцны буудлаас 30 минут, Төв талбайгаас 5 минутын зайд, хотын төв цэгт  байрладаг. Тус зочид буудал 42 м² болон түүнээс дээш хэмжээ бүхий өндөр зэрэглэлийн, цэлгэр саруулхан 290 өрөөтэй. Мөн төрөл бүрийн уулзалт, хурал зохион байгуулах 8 төрлийн 1200 хүртэлх хүний багатаамж бүхий танхимуудтай.

2014 оноос хойш үйл ажиллагаа явуулж буй тус амралтын газар Архангай аймгийн Цэнхэр сумын Халуун усны аманд байрладаг. Энэхүү амралтын газар рашаан бүхий хоёр том усан сан, тохилог гэр зочид буудал, ресторантай бөгөөд нэг ээлжиндээ 140 хүн зэрэг хүлээн авах хүчин чадалтай.

Орчин үеийн, тохилог, загварлаг зочид буудал болох Edelweiss Art Hotel нь хотын төвд байрладаг. Зочид буудлын гурван давхар барилга нь тансаг лоббитой бөгөөд дээврийн цонхноос байгалийн гэрэлтүүлэгтэй. 23 зочны өрөө нь тохилог дизайн, люкс угаалгын өрөө, тусдаа тагттай. Өрөө бүр утасгүй интернэт, өөрөөний температур тохируулагчтай. Тус зочид буудал Сүхбаатарын талбай, Шангри-Ла төв болон хотын шилдэг ресторануудаас хэдхэн минутын зайд байрладаг.

“Эзэнт гүрэн” зочид буудал нь Хэнтий аймгийн Чингис хотын төвд байрлах бөгөөд люкс, хагас люкс, стандарт зэрэглэлийн 21 өрөөтэй. Мөн монгол, европ, солонгос хоол бүхий ресторан, орчин цагийн өнгө аяс, загвар дизайн бүхий лоунж, хурлын заалны үйлчилгээ, өндөр хурдны интернэт, кабелийн олон сувгийн телевиз, алжаал тайлах массаж үйлчилгээ, 10-12 машины дулаан зогсоол,  40-50 машины гадна зогсоолтой.