“WHEN EAST MEETS EAST” НОМЫГ АЛБАН ЁСООР ОРЧУУЛАН, ЭМХЭТГЭХ ЭРХИЙГ АВАХААР ТОХИРОЛЦЛОО

28 дахь удаагийн Бусаны олон улсын Кино наадмын үеэр өнөөдөр (10 дугаар сарын 09) өдөр BEXCO үзэсгэлэнгийн төвд азийн хамтарсан төслийн таатай орчинг үүсгэх боломжийн талаар өгүүлэх “WHEN EAST MEETS EAST” номын нээлтийн арга хэмжээ болж өндөрлөлөө.

Тус номын нээлтийн панелистуудаар Найруулагч Edmund YEO, Taiddhi, Продюсер Kan Lume нар ажиллаж номын танилцуулга хийв.

“WHEN EAST MEETS EAST” номыг Өмнөд Солонгос улсын кино урлагийн зөвлөлөөс эрхлэн гаргасан бөгөөд Соёлын яам, Монголын Үндэсний Кино урлагийн зөвлөл болон SAYAN Pictures, INJINASH publishing нар хамтран Монгол улсад албан ёсны эрхтэйгээр орчуулан хэвлэх эрхийг авахаар хэлэлцлээ.