БАЙРШИЛ:           МОНГОЛ УЛС, УВС АЙМАГ, БӨХМӨРӨН СУМ; САГИЛ СУМ

Увс нуур, Ачит нуурын хооронд, улсын хилээс Ховд гол хүртэл үргэлжлэх уулархаг нутгийг Хархираа, Түргэний уулс хэмээн нэрлэдэг. Алтайн нурууны салбар болох Хархираа, Түргэний уулс нь сүрлэг сайхан оргилууд бүхий ихэр уул юм. Хархираагийн уулсын ноён оргил болох Мөст уул далайн түвшнээс дээш 4037 м, Түргэний уулсын ноён оргил Дэглий цагаан уул 4096 м юм. Энэхүү уулс нь Хархираагийн даваа гэх хөтлөөр тусгаарлагдана. Хархираа, Түргэний уулс мөнх цаст арав гаруй оргил, мөсөн голтой бөгөөд энэ нь Монгол орны уулсын мөнх цас, мөстлөгийн нийт талбайн 20 гаруй хувийг эзэлдэг хэмээн газарзүйчид  тодорхойлсон нь бий.  Хархираа, Түргэн голын сав газарт Увс нуурын ай савын дархан цаазат газрын Увс нуур, Түргэний уул, Цагаан шувуутын хэсэг хамаардаг ажээ. Улаанбаатар хотоос 1231 км зайд оршдог.

Зураг авах зөвшөөрлийг энд дарж авна уу