“НАЙРУУЛАГЧ: МЭРГЭЖИЛ БА АВЬЯАС” МАСТЕРКЛАСС АМЖИЛТТАЙ ЗОХИОН БАЙГУУЛАГДЛАА

Соёл, спорт, аялал жуулчлал, залуучуудын яамны харьяа Кино урлагийн зөвлөл нь “Соёлын бүтээлч сар”-ын хүрээнд Кино найруулагч Сахъяагийн Бямбатай хамтран кино салбарын уран бүтээлчдэд зориулан “НАЙРУУЛАГЧ: МЭРГЭЖИЛ БА АВЬЯАС” мастерклассыг 11 дүгээр сарын 06-ны өдөр Монголын Үндэсний Музейд амжилттай зохион байгууллаа.

Энэхүү мастерклассд кино зохиол бичих, санхүүжилт авах, найруулагч мэргэжлийн ур чадвар, сахилга бат, багаар ажиллах чадвар, зураг авалтын дараах үе шат зэрэг сэдвийг агуулсан бөгөөд бүтэн өдрийн үйл ажиллагаа болж өнгөрсөн юм.

“Найруулагч: Мэргэжил ба авьяас” мастерклассд нийт 45 уран бүтээлч, кино сонирхогчид үнэ төлбөргүй хамрагдсан ба сургалтын төгсгөлд оролцогчид хэлэлцүүлэг өрнүүлэн, батламжаа гардан авлаа.

Кино урлагийн зөвлөлөөс зохион байгуулсан мастерклассд идэвхтэй хамрагдсан салбарын уран бүтээлчиддээ талархал илэрхийлье.