“КИНОНЫ ӨНГӨ ШҮҮЛТИЙН СУРГАЛТ” АМЖИЛТТАЙ ЗОХИОН БАЙГУУЛАГДЛАА.

“Соёлын бүтээлч сар-2024” аяны хүрээнд Соёл, спорт, аялал, жуулчлал, залуучуудын яамны харьяа Кино урлагийн зөвлөлөөс “Хуашэн Вуси” кино телевизийн зургийн найруулагч, Франц улсын киноны өнгө шүүлтийн мэргэжилтэн Энзо Риендигертэй хамтран “Киноны өнгө шүүлтийн анхан болон ахисан түвшний сургалт”-ыг амжилттай зохион байгуулж дууслаа.

Өнгө шүүлтийн анхан шатны сургалт 11 дүгээр сарын 25-29-ний өдрийн 10:00-13:00 цагт лекц дагнасан хөтөлбөрийн дагуу, ахисан түвшний сургалт 10:00-18:00 цагт практик, лекц хосолсон хөтөлбөрийн дагуу СУИС-ийн Кино, телевиз, медиа урлагийн сургуулийн Дебют театрт нийт 5 хоног 40 цагийн багц сургалт болж өнгөрсөн юм.

Сургалтын орчуулагчаар продюсер, Кино, телевиз, медиа урлагийн сургуулийн багш, Доктор (Ph.D) Д.Цэнгэл ажилласан ба анхан шатны сургалтад 30 оролцогч, ахисан түвшний сургалтад 8 оролцогч амжилттай хамрагдаж батламжаа хүлээн авлаа.

“Киноны өнгө шүүлтийн сургалт”-д хамтран ажилласан СУИС-ийн Кино, Телевиз, Медиа, Урлагийн сургуулийн багш, хамт олон болон сургалтад амжилттай хамрагдсан салбарын уран бүтээлчиддээ талархал илэрхийлье.